Mjeku kirurg në Berat del pozitiv me covid19, rëndohet gjendja e tij pasi vuan nga diabeti

Gazeta Express

04/08/2020 13:42

Ditën e sotme mjeku kirurg E.Q., 40 vjeç, në spitalin e Beratit është infektuar me koronavirus.

Raportohet se pas përkeqësimit të shëndetit të tij, ai është dërguar në Tiranë për t’u shtruar në spitalin Infektiv.

Gjendja e tij është kritike nga virusi pasi vuan edhe nga diabeti.

Mësohet se është bërë dhe dezinfektimi i Repartit të Kirurgjisë në Spitalin e Beratit, ndërsa mjekëve dhe infermierëve të këtij reparti dhe kontakteve të kirurgut, u është bërë tamponi dhe janë në pritje të rezultatit.