Mirlind Daku vendimtar, shënon dy gola në fitoren e Muras ndaj Mariborit

Sport

Gazeta Express

05/03/2023 17:25

Mirlind Daku ka udhëhequr sot skuadrën e tij, Mura, drejt fitores ndaj Mariborit.

Ndeshja u mbyll me rezultatin 2:1, teksa i takoi javës së 25-të në Prva Liga, shkruan Gazeta Express.

Të dy golat e fitores për vendasit u shënuan nga Mirlind Daku. Sulmuesi nga Kosova shënoi në minutat 20 dhe 43.

25-vjeçari tani numëron 13 gola në elitën e futbollit slloven, duke qenë kështu golashënuesi i dytë më i mirë. Mirlind Daku ka edhe një asistim.

Mura renditet e gjashta në tabelë me 37 pikë të grumbulluara. /Gazeta Express/