Ministri Aliu jep lajmin e “jashtëzakonshëm” pa treguar shumë: Hekurudha Durrës -Prishtinë po jetësohet

Lajme

Gazeta Express

22/05/2024 20:17

Ministri i Infrastrukturës, Liburn Aliu, deklaron se projekti për ndërtimin e linjës hekurudhore Durrës-Prishtinë po jetësohet.

Këtë lajm, ministri Aliu e dha pas takimeve me deputetin britanik Martin Vickers, si dhe pas konferenës së kryeministrit shqiptar Edi Rama dhe kryediplomatit britanik të cilët folën për rëndësinë e kësaj hekurudhe për rajonin.

“Lajm i jashtëzakonshëm që pas sërë takimeve të njëpasnjëshme, si ai me z. Martin Vickers, deputetin dhe të dërguarin e posaçëm të Britanisë së Madhe për Ballkanin Perëndimor, e më pastaj edhe me përfaqësuesit e Export Finance (UKEF)🇬🇧, projekti i linjës hekurudhore 🛤 Durrës-Prishtinë, dalëngadalë po jetësohet për të bashkuar ekonomikisht të dy vendet tona”, shkruan Aliu ndër të tjera.

Aliu pohon se hekurudha “do të kontribuojë në një lidhje të shpejtë të pasagjerëve dhe mallrave. Në takim ritheksova se krijimi i linjës hekurudhore është zgjidhja më ekologjike e ndërlidhjes tonë me Shqipërinë”, shtoi ai.

Postimi i plotë: