Ministrat e mbrojtjes të NATO-s do të mbajnë videokonferencë për Ukrainën, çfarë pritet të diskutohet

Lajme

Gazeta Express

19/08/2025 17:29

Ministrat e Mbrojtjes të NATO-s pritet të mbajnë një video-konferencë më 20 gusht, për të diskutuar situatën në Ukrainë, raportoi Reuters, duke cituar burime të afërta me çështjen.

Kjo iniciativë vjen menjëherë pas një samiti urgjent të udhëheqësve të Bashkimit Europian, i zhvilluar online sot, pas bisedimeve të një dite më parë në Washington.

Tema kryesore e diskutimeve ka qenë dërgimi i trupave të sigurisë në Ukrainë në rast të përfundimit të luftës.

Sipas burimeve diplomatike, aleatët perëndimorë po shqyrtojnë skenarët e pasluftës dhe mundësinë e një pranie ndërkombëtare për të garantuar siguri dhe rindërtimin e vendit, nëse arrihet një marrëveshje paqeje.

Nuk është bërë e ditur ende nëse konferenca e NATO-s do të përfshijë ndonjë vendim konkret, por analistët e konsiderojnë këtë takim si një hap të rëndësishëm drejt koordinimit të qëndrimeve për fazën e ardhshme të konfliktit.