Ministrat e jashtëm evropianë i bëjnë thirrje Izraelit të shmangë zgjerimin e mëtejshëm të konfliktit me Libanin

Lajme

Gazeta Express

31/03/2026 19:36

Ministrat e jashtëm të 10 vendeve evropiane kanë lëshuar një deklaratë të përbashkët duke i bërë thirrje Izraelit të shmangë një “zgjerim të mëtejshëm” të konfliktit në Liban – duke i kërkuar atij të respektojë “integritetin territorial” të vendit, ka raportuar BBC, trasnmeton Gazeta Express.

Deklarata dënon sulmet e Hezbollahut ndaj Izraelit në mbështetje të Iranit dhe thotë se mbështet dhe inkurajon qeverinë libaneze të “rivendosë sovranitetin e saj” mbi të gjithë Libanin.

Ajo bën thirrje për “negociata të drejtpërdrejta politike” midis Libanit dhe Izraelit, duke thënë se të gjitha palët duhet të “ulin menjëherë tensionet”.

Belgjika, Kroacia, Qiproja, Franca, Greqia, Italia, Malta, Holanda, Portugalia, Mbretëria e Bashkuar dhe shefja e politikës së jashtme të BE-së, Kaja Kallas, e kanë nënshkruar të gjitha atë.

Izraeli dërgoi trupa tokësore në Libanin jugor më 2 mars dhe gjithashtu ka nisur sulme të gjera në të gjithë vendin. Ai thotë se po përpiqet të mbrojë komunitetet nga sulmet e Hezbollahut, i cili është një grup i armatosur i mbështetur nga Irani.

Sipas marrëveshjes së armëpushimit që i dha fund luftës në vitin 2024, Hezbollahu duhej të çarmatosej dhe të linte pozicionet e tij në jug.