“Mijëra myslimanë që durojnë poshtërimin”, gazetari tregon ç’i ndodhi këtë mëngjes kur donte të dilte nga Liqeni - Gazeta Express

Shqiperi

Gazeta Express

23/05/2020 12:27

“Mijëra myslimanë që durojnë poshtërimin”, gazetari tregon ç’i ndodhi këtë mëngjes kur donte të dilte nga Liqeni

Shqiperi

Gazeta Express

23/05/2020 12:27

Gazetari dhe profesori Erion Kristo nëpërmjet një shënimi në facebook ka treguar se çfarë i ka ndodhur mëngjesin e ditës së sotme, ndërsa të gjithë thuajse ishin të përgatitur për lëvizje të lirë.

erion-kristo

Pas vendimit të djeshëm të Ministres së Shëndetësisë, Ogerta Manastirliu për mbyllje, Kristo tha se sot dëshironte të dilte nga liqeni, por ishte e pamundur, ndersa thekson se shqiptaret lene nje njeri te vetem qe tu haje koken.

Teksa përcjell zemërimin që ndjen me veten, pasi nuk mund të bëjë dot asgjë, Kristo shpreh habinë se si “Mijëra myslimanë durojnë poshtërimin. Mijëra njerëz të mbetur pa punë. Mijëra biznese të falimentuara. Mijëra të rinj të pashpresë”.

Kristo e mbyll reagimin e tij duke thënë se sot “Të vetmen gjë që mund të bësh është të presësh derisa indiferenti të dëmtohet vetë nga shteti dhe aty do kesh rastin të qeshësh. Ti nuk do ta bësh, se nuk je shpirtvogël, por je thjesht i detyruar. Siç të detyruan ty sot të ktheheshe në shtëpi me shpirtin vrer dhe bishtin ndër shalë”.

Reagimi i Kristos:

Sot doja të dilja një shëtitje nga liqeni. Ishte e pamundur. Nuk lejohej. Mbeta aty te shkallët me zemërim në gji. Zemërimin nuk e kisha as me ajatollahun tonë, as me popullin e tredhur. Zemërimin e kisha me veten. Isha i zemëruar se doja të protestoja, doja të kërkoja me forcë të hapej liqeni. 

Isha i gatshëm të përfundoja burgjeve. Po nuk isha i gatshëm ta bëja vetëm. Do të doja që fëmijët tuaj dymetroshë t’i kisha prapa në mbështetje. Djem azganë që vetëm hanë. Që i hanë kokën njëri-tjetrit. Që lënë një njeri t’u hajë kokën të gjithëve. Mijëra myslimanë që durojnë poshtërimin. Mijëra njerëz të mbetur pa punë. Mijëra biznese të falimentuara. Mijëra të rinj të pashpresë. Dhe pikërisht aty i them vetes: pse i mërzit njerëzit. Boll të mërzitur janë. Mbaji për vete mendimet e tua. 

Kujt i duhen? Pse fut helm në shpirtin tënd? Kthehu në shtëpi dhe shtrihu në divan. Dhe pikërisht këtë bëra. Nuk mund të shpëtosh dikë që nuk do të shpëtohet. Të vetmen gjë që mund të bësh është të presësh derisa indiferenti të dëmtohet vetë nga shteti. Aty do kesh rastin të qeshësh. Ti nuk do ta bësh, se nuk je shpirtvogël, por je thjesht i detyruar. Siç të detyruan ty sot të ktheheshe në shtëpi me shpirtin vrer dhe bishtin ndër shalë.