Mickoski: Është lëshuar në përdorim gjimnazi i rikonstruktuar i Tetovës “Kiril Pejçinoviq”, vazhdojmë të investojmë në arsim

Maqedoni

Gazeta Express

31/01/2026 14:18

Kryeministri i Maqedonisë së Veriut, Hristijan Mickoski, sot mori pjesë në ceremoninë e lëshimit në përdorim të Gjimnazit të Tetovës të rinovuar së fundmi, ku shprehu kënaqësinë për realizimin e projektit dhe falënderoi Komunën e Tetovës, këshilltarët komunalë dhe Ministrinë e Arsimit për mbështetjen. Mickoski u uroi nxënësve dhe mësimdhënësve suksese në këto hapësira të reja, duke theksuar se projekte të tilla janë në të mirë të Tetovës dhe qytetarëve të saj.

“Dua vetëm të shpreh kënaqësinë time për atë që po shohim sot. Për vetëm disa muaj, me një punë vërtet të fortë dhe të përkushtuar, ajo që atëherë ndoshta dukej e pamundur, sot është e mundur, reale. Dua ta falënderoj kryetarin e komunës, këshilltarët e Komunës së Tetovës që e mbështetën këtë projekt, ta falënderoj Ministrinë e Arsimit, si dhe të gjithë ata që ia duan të mirën Tetovës dhe tetovarëve dhe që gjatë kësaj periudhe kanë qenë pjesë, do të thosha, e shumë projekteve që po realizohen në Komunën e Tetovës.

Dua vetëm t’u uroj nxënësve dhe mësimdhënësve që do të mësojnë dhe do të punojnë në këto hapësira shumë dije, suksese në punë dhe në mësim, atyre që do të punojnë, suksese në punë, atyre që do të mësojnë, sukses në arsim, dhe nga bankat e kësaj shkolle të dalin edhe shumë tetovarë të suksesshëm.

Prandaj, edhe një herë, qoftë me fat, qoftë i mbarë dhe u shtofshin edhe shumë projekte të tilla të suksesshme.

Faleminderit” tha Mickoski gjatë vizitës.