Messi shkëlqen me dy gola, Argjentina fiton ndaj Venezuelës

Futboll

Gazeta Express

05/09/2025 8:56

Argjentina shënoi fitore 3:0 në “Bunos Aires” ndaj Venezuelës në kualifikimet për Kampionatin Botëror.

Lionel Messi shkëlqeu me dy gola në ndeshjen që mund të jetë e fundit e tij në Argjentinë, shkruan Gazeta Express.

Fillimisht, tetë herë fituesi i Topit të Artë shënoi në minutën e 39-të pas asistit nga Alvarez.

Lautaro Martinez dyfishoi epërsinë e Argjentinës në minutën e 76-të, para se Messi të shënonte për 3:0 katër minuta më vonë.

Argjentina veçse e ka siguruar  kualifikimin në Kupën e Botës 2026.