Messi sensacional, shënon dygolësh dhe e çon Inter Miamin në finale të Kupës së Ligës

Futboll

Gazeta Express

28/08/2025 9:30

Lionel Messi ka qenë përsëri protagonist tek Inter Miami.

Ylli argjentinas i ka shënuar dy gola të vonshëm në fitoren 3:1 ndaj Orlando Cityt në derbin e Floridas.

Me këtë rast, Inter Miami e siguroi një vend në finalen e Kupës së Ligës, ku do të përballet me Seattle Sounders më 31 gusht, shkruan “Gazeta Express”.

Messi buries the PK. Orlando are down to 10 men. We're level in the @LeaguesCup semis. 🍿 pic.twitter.com/635fCqqu31

— Major League Soccer (@MLS) August 28, 2025

Fitorja po ashtu ia siguron këtij ekipi kualifikimin në Kupën e Kampionëve të CONCACAF në vitin 2026.

Inter Miami e bëri një rikthim të pabesueshëm mbrëmë në “Chase Stadium”, pasi e mbylli pjesën e parë në disavantazh.

MESSI MIGHT'VE JUST WON IT. WOWOWOWOW. pic.twitter.com/r3ZUYugpz5

— Major League Soccer (@MLS) August 28, 2025

Më pas, për rikthimin sensacional u përkujdes tetë herë fituesi i Topit të Artë me dy gola të shënuar në 15 minutat e fundit të lojës.

Kampioni i botës po kthehej nga lëndimi dhe ishte edhe një herë lojtari vendimtar i ekipit nga Florida.

MESSI MIGHT'VE JUST WON IT. WOWOWOWOW. pic.twitter.com/r3ZUYugpz5

— Major League Soccer (@MLS) August 28, 2025

Natyrisht, Inter Miamit gjërat ia lehtësoi edhe ndëshkimi me karton të kuq i David Brekalos së Orlandos.

Messi me shokë tash synojnë ta fitojnë këtë trofe në finalen e së dielës kundër Seattle Sounders. /Gazeta Express