Mësohet gjyqtari i ndeshjes gjysmëfinale Inter – Barcelona

Sport

Gazeta Express

04/05/2025 17:36

Szymon Marciniak është caktuar gjyqtar kryesor i ndeshjes kthyese të gjysmëfinales së Championsit mes Interit dhe Barcelonës, që luhet të martën në stadiumin “Giuseppe Meazza”.

Ndeshja e parë në Barcelonë u mbyll 3:3 dhe gjithçka është e hapur.

Marciniak ka referuar në nëntë ndeshje të Interit në karrierën e tij.

“Nerazzurrët” kanë fituar vetëm dy ndeshje, kanë barazuar tri herë dhe kanë pësuar katër disfata.

Gjyqtari polak drejtoi finalen e Ligës së Kampionëve 2023, të cilën Interi e humbi 1:0 nga Manchester City.

Marciniak ishte gjyqtar kryesor edhe i dy ndeshjeve kur kanë luajtur Interi e Barcelona. Të dyja ato ballafaqime janë mbyllur baras.