Merret në mbrojtje gruaja e Pëllumb Metës, kunati nuk e lejoi të shkonte në varrim - Gazeta Express
string(81) "merret-ne-mbrojtje-gruaja-e-pellumb-metes-kunati-nuk-e-lejoi-te-shkonte-ne-varrim"

Shqiperi

Gazeta Express

24/02/2024 12:49

Merret në mbrojtje gruaja e Pëllumb Metës, kunati nuk e lejoi të shkonte në varrim

Shqiperi

Gazeta Express

24/02/2024 12:49

Policia e Durrësit ka marrë në mbrojtje bashkëshorten e 50 vjeçarit që u vra në Durrës, Blerina Metën.

Gruaja nuk është lejuar të marrë pjesë në ceremoninë mortore të burrit të saj, paraditen e kësaj të shtune.

Lexo Edhe:

Për të shmangur ndonjë konflikt të mundshëm mes vëllezërve të të ndjerit Pëllumb Meta dhe kunatës së tyre, Blerina u shoqërua nga blutë e Durrësit deri te shtëpia e prindërve të saj në Laç.

Kujtojmë se ngjarja e rëndë u raportua ditën e djeshme në media. Akti tronditës i 3 fëmijëve ndaj babait datonte që më 10 Shkurt të këtij viti.

Ishte djali i madh i viktimës, Hysen Meta ai që e kishte qëlluar 4 herë me armë zjarri.

Motra 19 vjeçare Hygerta Meta dhe vëllai i vogël Amarildo Meta kishin bashkëpunuar për groposjen e trupit në oborrin e shtëpisë.

Plani i tyre për fshehjen e gjurmëve doli zbuluar pasi 24 vjeçari bëri denoncimin në polici. Pas pretendimeve për një zhdukje të mistershme të kryefamiljarit, blutë dyshuan se bëhej fjalë për një krim të rëndë.

Fillimisht ekzekutimin e të atit, e mori përsipër Hygerta, duke thënë se 50 vjeçari donte ta martonte me një emigrant pa dëshirën e saj. Më vonë, ngjarja mori rrjedhë tjetër.

3 fëmijë të moshave relativisht të reja u bënë bashkë për t’i marrë jetën babait të tyre. Në dëshminë e sotme para hetuesve, Hysen Meta ka thënë se “babai i tij ishte bërë i padurueshëm dhe se vrasjen e kishin planifikuar me detaje”. Ai theksoi se nëna e tij, nuk kishte asnjë lidhje me krimin.