Menyja interesante e Messit sa ishte në Barcelonë, rrjedh një dokument gjatë sezonit 2014/15

Futboll

Gazeta Express

17/01/2025 10:39

Porosia e ushqimit pas ndeshjes nga Lionel Messi dhe shokët e tij të ekipit te Barcelona e vitit 2014 paraqitet në media

Sezoni 2014/15 i Barcelonës ishte një nga më të paharruarit, pasi ekipi fitoi tripletën historike nën drejtimin e Luis Enrique, duke ngritur trofeun e pestë të Ligës së Kampionëve pas fitores ndaj Juventusit në Berlin, Gjermani.

Pavarësisht një sezoni të shkëlqyer, Barcelona barazoi pa gola ndaj Malaga-s në shtator. Pas ndeshjes, ekipi qëndroi në zonën e mikpritjes në Estadio La Rosaleda dhe konsumoi një përzgjedhje të çuditshme ushqimesh.

Sipas një dokumenti të zbuluar nga portali spanjoll Libertad Digital, Marc-Andre ter Stegen dhe Gerard Pique zgjodhën një kombinim të pazakontë: sanduiç me Nutella, ndërsa shtuan përkatësisht sushi dhe fruta.

Sergio Busquets konsumoi një picë me proshutë, bashkë me ananas dhe luleshtrydhe. Në të njëjtën linjë, mesfushorët Xavi dhe Andres Iniesta, së bashku me Neymar dhe Luis Suarez, gjithashtu preferuan picën italiane.

Ndërkohë, Lionel Messi, tetë herë fitues i Topit të Artë, e mbajti porosinë shumë të thjeshtë, duke zgjedhur një picë me djathë. Ky detaj ngjalli shumë reagime në rrjete sociale.

Messi dhe dashuria për ëmbëlsirat

Ndërsa dieta e Messi-t është e thjeshtë dhe e përshtatur për një atlet elitar, kapiteni i Inter Miami ka pranuar se ka një dobësi për ushqimet e ëmbla.

“Jam shumë i thjeshtë kur bëhet fjalë për ushqim: asado, milanesa, pasta, çokollatë, dulce de leche, akullore… Më pëlqen çdo gjë e ëmbël, jam i dashuruar me to. Mundohem të ha pak, por herë pas here më pëlqen”, tha Messi në një intervistë për TN30.

Messi gjithashtu njihet për dashurinë e tij për Mate, pijen tradicionale të Amerikës së Jugut, që shpesh shihet se e shoqëron atë dhe shokët e tij të ekipit para ndeshjeve. Ai ka bërë një ndryshim në mënyrën e konsumimit të Mate.

“Pija Mate të ëmbël, por pastaj u mësova me Mate të hidhur dhe tani e pi të hidhur”.  /GazetaExpress/