Mendimi për motin: Vransirat fillojnë të shpërndahen ditën e premtë, temperaturat në rritje përgjatë fundjave

Lajme

Gazeta Express

16/01/2025 18:34

Mendimi për motin – 16.01.2025

Ditën e premtë vransirat parashihet të shpërndahen deri nga mesdita, e mbi vend të ketë më shumë intervale me diell. Temperaturat minimale zbresin në -5C e -2C, derisa maksimale shkojnë në 4C e 6C. Frynë erë e lehtë veriore e verilindore 1-4m/s.

Ditëve të fundjavës parashihet mot stabil, kryesisht me kthjellime e diell, mirëpo ultësirave ka gjasa që shtresa mjegulle apo vransira të ulëta që formohen orëve të mëngjesit, të mbeten edhe përgjatë pasdites. Ditën e hënë pritet shtim i vransirave. Me kalimin në të martën nuk përjashtohen mundësi për reshje të dobëta shiu në pjesë të vendit. Temperaturat minimale zbresin në -5C e -6C, derisa ato maksimale gradualisht shënojnë rritje në 6C, ditën e diel, e 8C dhe 9C ditëve të para të javës vijuese.