Alejandro Camano, menaxheri i Achraf Hakimit, e ka mohuar se ka bisedime e aq më pak marrëveshje mes tij dhe Paris Saint-Germainit për mbrojtësin e Interit. Por ai nuk pranoi se është optimist për qëndrimin e Hakimit në Inter.
Mediat italiane dhe franceze kanë raportuar ditëve të fundit se Hakimi ishte pajtuar tashmë me PSG-në për kushtet personale dhe se oferta e gjigantit të Ligue 1 prej 60 milionë eurove ishte hedhur poshtë nga zikaltrit, të cilët i duan të paktën 80 milionë euro, transmeton Gazeta Express.
“Nuk ka bisedime me PSG-në, nuk ka asgjë tani për tani. Ne nuk kemi marrëveshje me klubin francez për kushtet personale. Ai është i lumtur në Inter”, tha Camano për FCInter1908.
Megjithatë, kur u pyet nëse është optimist për qëndrimin e Hakimit në Giuseppe Meazza, toni i zërit të tij ndryshoi.
“Është një kohë e vështirë për të gjithë…” theksoi ai.
Hakimi ka marrëveshje afatgjate me Interin, pasi iu bashkua klubit verën e kaluar, por kampioni i Italisë është i detyruar të shesë futbollistë për t’i balancuar financat. /Gazeta Express/
Çdo shtëpi është një hapësirë që duhet të jetë komode dhe e organizuar, për të lehtësuar jetën tonë të...