Memov nga ZNAM akuzoi VLEN-in se e gënjeu VMRO-në në Shkup dhe nuk e votoi kandidatin e saj

Maqedoni

Gazeta Express

04/11/2025 12:32

Zëdhënësi i Lëvizjes ZNAM – Për Maqedoninë Tonë, Nikolla Memov, në një postim në profilin e tij në Facebook kritikoi koalicionin VLEN me të cilin ata janë pjesë e shumicës qeveritare. Memov, i cili është edhe drejtor i Fondit të Sigurimeve Pensionale dhe Invalidore, beson se VLEN luajti me VMRO-DPMNE-në në pushtet në zgjedhjet lokale në Shkup dhe nuk votoi për kandidatin e tyre Orce Gjorgjievski, përcjell Gazeta Express nga Portalb.mk.

Sipas Memov, ky është një gabim i madh.

“VMRO e di këtë dhe kryeministri ua tha publikisht, ne ju mbështetëm sinqerisht, paguam një çmim të madh për atë mbështetje dhe nuk kërkuam asgjë në këmbim. Vetëm respekt. Ne nuk e morëm atë respekt. Dhe ne nuk e harrojmë këtë”, shkruan Memov në postim, i cili përfshin edhe një video të kryeministrit Mickoski duke iu drejtuar, siç thotë ai, kolegëve të tij të partisë nga Tetova, Gostivari dhe Struga.

Përndryshe, në zgjedhjet lokale, Lëvizja ZNAM nuk kishte kandidatin e vet për kryetar të Qytetit të Shkupit dhe mbështeti Orce Gjorgievskin. Në Komunën Qendër, megjithatë, kandidati i ZNAM-it, Miroslav Labudoviq, mori mbështetjen e VMRO-DPMNE-së.

Para raundit të dytë të zgjedhjeve lokale, kandidati i ZNAM-it për Qendër, Labudoviq, mori mbështetjen e VLEN-së. Mbështetja, siç informoi partia në atë kohë, u bë zyrtare në një takim që Labudoviq dhe kryetari i sapozgjedhur i Çairit dhe një nga udhëheqësit e VLEN-it, Izet Mexhiti, patën me banorët vendas të Kalasë dhe Duqanxhikut.

Mexhiti u bëri thirrje banorëve të këtyre vendbanimeve më 2 nëntor, kur do të zhvillohet raundi i dytë i votimit, që t’i japin mbështetje maksimale kandidatit për kryetar bashkie nga Lëvizja ZNAM, Miroslav Labudoviq, i mbështetur gjithashtu nga VMRO-DPMNE.

Ky ishte shtrëngimi i dytë i duarve midis partnerëve në qeveri – ZNAM dhe VLEN, pasi u bë zyrtare mbështetja për Kumanovën në raundin e dytë për kandidatin për kryetar komune Maksim Dimitrievski/

Maqedonia e Veriut më 19 tetor mbajti zgjedhjet e teta lokale që nga pavarësia e shtetit në të cilat zgjidhen kryetarë komunash dhe lista këshilltarësh në 81 njësi të vetëqeverisjes lokale, në 80 komuna dhe në Qytetin e Shkupit.

Raundi i dytë do të mbahet më 2 nëntor.