Memli Krasniqi: Asnjë deputet i PDK-së nuk e voton Qeverinë Hoti - Gazeta Express

Memli Krasniqi: Asnjë deputet i PDK-së nuk e voton Qeverinë Hoti

Lajme

Gazeta Express

03/06/2020 11:20

Deputeti i PDK-së, Memli Krasniqi, ka thënë për T7 se asnjë deputet i partisë së tij nuk do ta votojë Qeverinë e Avdullah Hotit, seanca për të cilën pritet të fillojë pas pak.

“Mundësimi i qeverisjes nuk është punë e jona, sepse qëndrimi ynë është i qartë. Në asnjë mënyrë nuk bëhemi pjesë e kalkulimeve. Asnjë votë e PDK-së nuk do të jetë pro kësaj qeverie”, ka thënë Krasniqi, transmeton Gazeta Express.

Krasniqi thotë se PDK-ja është që të mos ketë vakum institucional, por për të dhe partinë e tij, Qeveria Hoti nuk është e pëlqyeshme.  

“Edhe pse jemi të mos ketë vakum institucional, ne jemi të bindur se asnjë e mirë nuk do të vjen nga kjo Qeveri”.

Krasniqi, i cili po ashtu është nënkryetar i Kuvendit, nuk beson se do t’i vijë radha që ta udhëheqë seancën ku pritet votimi i Qeverisë.

“Në momentin kur për arsye objektive kryetarja nuk mund ta udhëheqë seancën, e autorizon. Sipas radhitjes do t’i takonte ose Arbërie Nagavcit ose Kujtim Shalës”, ka thënë ai. /Express/