Mefin e kaplon frika që s’po bëhet deputet, sulmon mediat duke shpresuar për ndonjë votë militanti

Lajme

Gazeta Express

24/01/2025 16:09

Ish-gazetari Mefail Bajqinovci i cili i është bashkuar Lëvizjes Vetëvendosje në vitin 2019 dhe që po garon për deputet për zgjedhjet e 9 shkurtit, ka zgjedhur të sulmojë mediat në përpjekjen e tij për të kapur ndonjë votë militanti, teksa synon të futet në Kuvend edhe një mandat.

Bajqinovci ka vendosur një paragraf të gazetës serbe “Danas” që ka raportuar për pjesëmarrjen e Kurtit në Forumin e Davosit dhe ka vendosur titujt e dy mediave kosovare, përfshirë edhe atë të Gazetës Express, ku tregohet se si Kurti ka shkuar në këtë ngjarje me 350 mijë euro të buxhetit të Republikës së Kosovës.