Me flamujt e Kosovës e SHBA’së, Kurti i bën jehonë marrëveshjes 236.7 milionëshe me MCC’në

Lajme

Gazeta Express

14/05/2022 23:58

Kryeminsitri i Kosovës, Albin Kurti ka komentuar marrëveshjen e arritur ndërmjet Qeverisë së Kosovës dhe Korporatës amerikane Sfidat e Mijëvjeçarit (MCC) në Uashington.

Kurti, nëpërmjet një shënimi në Twitter, ka thënë marrëveshja është e dizajnuar t’i ndihmojë Kosovës drejt tranzicionit energjetik dhe transformimit socio-ekonomik, shkruan Gazeta Express.

“Dje, qeveria jonë dhe Korporata Sfidat e Mijëvjeçarit finalizuan negociatat mbi propozimin prej 236.7 milionë dollarëve amerikanë, për marrëveshjen Kompakt, e dizjanuar t’i ndihmojë Kosovës drejt tranzicionit energjetik dhe transformimit socio-ekonomik. Vlerat e përbashkëta ndërtojnë marrëdhënien tonë. Vlerat dhe qëllimet e përbashkëta, forcojnë atë”, ka shkruar kryeministri Kurti në Twitter.

Yesterday, our Government and @MCCgov‘s teams concluded negotiations for a proposed $236.7M Compact agreement tailored to help Kosova towards its energy transition and socio-economic transformation. Shared values build bonds. Shared values and goals strengthen them. ????

— Albin Kurti (@albinkurti) May 14, 2022

Pas negociatave intensive, Qeveria e Kosovës dhe Korporata Amerikane Sfidat e Mijëvjeçarit (MCC), dje kanë finalizuar në Uashington marrëveshjen Kompakt, në vlerë 236.7 milionë dollarë amerikanë. Kjo marrëveshje do ta ndihmojë Kosovën për ta zhvilluar dhe pavarësuar sistemin energjetik të vendit.

Ministrja e Ekonomisë Artane Rizvanolli, e cila kryesoi ekipin e negociatave të Kosovës, theksoi dje se 202 milionë dollarë janë grant nga MCC-ja ndërsa pjesa tjetër, rreth 34 milionë dollarë, bashkëfinancim nga Qeveria e Kosovës. /GazetaExpress/