Me 21 mars në Shkodër premiera e shfaqjes “Pesë fytyrat e heshtjes”: Trajton përvojat njerëzore të dhimbjes…

Arte

Gazeta Express

18/03/2026 15:30

Me 21 mars në orën 19:00, në Teatrin “Migjeni” në Shkodër do të mbahet premiera e shfaqjes ‘’Pesë fytyrat e heshtjes’’. Pas premierës, shfaqja do të mbahet edhe në disa qytete të tjera, si në Ferizaj – 03 prill, ora 20:00 – Teatri “Adriana”, Prishtinë – 04 prill, ora 20:00 – Amfiteatri i Teatrit Kombëtar të Kosovës, dhe, në Gjakovë – 05 prill, ora 20:00 – Teatri “Hadi Shehu”.

Siç është njoftuar, shfaqja është financuar nga Bashkia Shkodër dhe Ministria e Kulturës dhe Turizmit e Kosovës.

Komunikata:

Premiera e shfaqjes “Pesë fytyrat e heshtjes”

Teatri “Migjeni”, në bashkëpunim me kompaninë joformale “Bokshi Teater”, prezanton premierën e shfaqjes teatrore “Pesë fytyrat e heshtjes”, një projekt artistik që sjell në skenë një reflektim të thellë mbi heshtjen, traumën dhe të vërtetat e pathëna njerëzore.

Kjo shfaqje është financuar nga Bashkia Shkodër dhe Ministria e Kulturës dhe Turizmit e Kosovës, duke dëshmuar bashkëpunimin ndërinstitucional dhe mbështetjen për krijimtarinë teatrore bashkëkohore.

Premiera do të mbahet më:

📍 21 mars 2026, ora 19:00, në Teatrin “Migjeni”, Shkodër

Pas premierës, shfaqja do të vijojë turneun në disa qytete:

📍 Ferizaj – 03 prill, ora 20:00 – Teatri “Adriana”

📍 Prishtinë – 04 prill, ora 20:00 – Amfiteatri i Teatrit Kombëtar të Kosovës

📍 Gjakovë – 05 prill, ora 20:00 – Teatri “Hadi Shehu”

Donjeta

Sinopsis:

“Pesë fytyrat e heshtjes” është një udhëtim skenik që eksploron dimensionet e brendshme të individit, ku heshtja shndërrohet në një gjuhë të fuqishme emocionale. Përmes pesë rrëfimeve të ndërthurura, shfaqja trajton përvojat njerëzore të dhimbjes, kujtesës dhe mbijetesës, duke reflektuar mbi maskat që individi ndërton përballë realitetit.

Kjo vepër synon të krijojë një dialog të hapur me publikun mbi rëndësinë e komunikimit dhe përballjes me të vërtetat personale dhe kolektive.

Për më shumë informacione dhe rezervime, ju lutemi kontaktoni teatrot përkatëse.