Mbyllen disa parkingje ‘‘ilegale’’ në Prishtinë, Rama: Po ua kthejmë qytetarëve hapësirat publike

Lajme

Gazeta Express

04/07/2025 9:22

Kryetari i Prishtinës, Përparim Rama, përmes një postimi në Facebook, ka thënë se në mënyrë që qytetarët të kenë qasje të lirë, çdo hapësirë e uzurpuar është duke u liruar. Për këtë, Rama ka bërë të ditur se sot kanë mbyllur disa parkingje ilegale, si veprim konkret në këtë drejtim, shkruan Gazeta Expres.

Rama ka shkruar edhe se prioritet i tyre është qytetari.

‘‘Po ua kthejmë qytetarëve hapësirat publike! 🏙️🙌

Çdo hapësirë e uzurpuar po lirohet ➡️🧍‍♀️🧍‍♂️ në mënyrë që qytetarët të kenë qasje të lirë dhe të shfrytëzojnë të drejtën e tyre në qytetin e tyre.

Sot kemi ndërmarrë veprime konkrete duke mbyllur disa parkingje ilegale 🚫🚗 që për vite me radhë kanë bllokuar lëvizjen e lirë në kryeqytet 🚶‍♂️🚶‍♀️

Qytetari është prioritet i yni🌍 🌿’’, ka shkruar ai. /GazetaExpress