“Mbretërit e Parë të Evropës”, nderohet me Çmimin për Bashkëpunim Ndërkombëtar në konferencën e arkeologëve

Arte

Gazeta Express

04/09/2023 15:31

Gjatë konferencës vjetore të Asociacionit Evropian të Arkeologëve të mbajtur në Irlandën Veriore, ekipi profesional dhe organizativ i ekspozitës ndërkombëtare “Mbretërit e Parë të Evropës” / “First Kings of Europe”, është nderuar me Çmimin për Bashkëpunim Ndërkombëtar.

Ekspozita paraqet historinë dhe kulturën 7 mijë vjet të vjetër të Kosovës përmes 3 artefakteve të ekspozuara në SHBA. Reliefi i Kamenicës dhe dy figurinat terrakote të Bardhoshit janë të shfaqura së bashku me artefaktet e 11 vendeve të Evropës Juglindore.

MKRS e ka mbështetur këtë prezantim të trashëgimisë sonë kulturore si dhe tërë procesin e pjesëmarrjes së Muzeut Kombëtar të Kosovës në këtë ekspozitë e cila do të zgjas deri më 28 janar 2024 teksa në konferencë, MKRS u përfaqësua nga Zana Rama nga Instituti Arkeologjik.

/Express