Mbrëmje përkujtimore dhe shfaqje filmi për Holodomorin

Arte

Gazeta Express

19/11/2025 16:13

Në Shtëpinë  e Evropës në Prishtinë, më 21 nëntor mbahet mbrëmja përkujtimore për viktimat e Holodomorit dhe shfaqet filmi “Çmimi i së vërtetës”.

Përkujtimi i Holodomorit shënon gjenocidin ndaj popullit ukrainas të kryer përmes urisë në vitet 1932-1933 nga Bashkimi Sovjetik, për të shtypur përpjekjet e Ukrainës për pavarësi.

Ngjarja do të përfshijë një fjalim të shkurtër mbi kontekstin historik nga gazetarja ukrainase dhe doktor shkence në histori, Irina Synelnik, e pasuar nga filmi “Çmimi i së vërtetës”, me regji nga Agnieska Holland që rrëfen historinë e një gazetari uellsian i cili i pari zbuloi urinë e madhe në Ukrainë në fillim të viteve ’30 në mediat perendimore.

Ky aktivitet është bashkëorganizuar me organizatën “Urat e miqësisë” në Kosovë.

Shfaqja e filmit fillon nga ora 17:30.