Mblidhet Asambleja e Tiranës, Rama prezanton Veliajn dhe Manastirliun si drejtues politikë, mungon Spiropali

Shqiperi

Gazeta Express

14/09/2024 10:28

Erion Veliaj dhe Ogerta Manastirliu u prezantuan nga kryeministri Edi Rama në mbledhjen e Asamblesë së PS-së, si drejtues politik të qarkut Tiranë.

Ndërkohë Elisa Spiropali, po ashtu drejtuese politike e qarkut Tiranë, nuk ka qenë prezente në asamble.

Për tre drejtuesit politikë Rama ka ndarë detyrat.

Elisa Spiropali-do të ketë komunikim me bashkitë e Tiranës si Vora, Kamza, Rrogozhina dhe Kavaja, për përgatitjen e fushatës zgjedhore.

Ogerta Manastirliu-do të jetë përgjegjëse për koordinimin e strukturave të PS-së në Tiranë.

Erion Veliaj-do të jetë përgjegjësi kryesor fushatës dhe përgatitjes së skuadrave socialiste në Tiranë.