Mbi 15 mijë nxënës të shkollave të mesme do t’i nënshtrohen nesër testimit të parë të maturës shtetërore

Maqedoni

Gazeta Express

30/05/2025 12:06

Mbi 15 mijë nxënës të shkollave të mesme do t’i nënshtrohen nesër testimit të parë të maturës shtetërore në gjuhën amtare.

Sipas të dhënave të Qendrës Shtetërore të Provimeve testimit do t’i nënshtrohet 8,816 nxënës të shkollave profesionale, ndërsa 5 966 të shkollave të mesme. Testimit në gjuhën maqedonase do t’i nënshtrohen 9,969 nxënës ndërsa 4,339 në gjuhën shqipe.

Testimi i dytë i maturës shtetërore, i cili është zgjedhor për nxënësit do të jetë më 11 qershor. Për të mbikëqyrur procesin e testimit do të jenë të angazhuar 2 mijë testues. Testimet do të zhvillohen në ambientet e shkollave nëse ato plotësojnë kushtet, ndërsa ato që nuk i plotësojnë kushtet do të testohen nëpër amfiteatro të Fakulteteve.