Mbi 1 milion euro vjedhje në Itali, arrestohen 2 hajdutët në Vlorë

Shqiperi

Gazeta Express

16/06/2023 17:19

Dy shqiptarë janë arrestuar në Vlorë pasi ishin shpallur në kërkim ndërkombëtar për vjedhje në Italinë veriore.

Sipas policisë, shqiptarët e moshës 51 dhe 28 vjeç, të dy banues në Vlorë, akuzohen se kanë grabitur disa mjete motorike.

Gjatë kontrollit të ushtruar në ambientet që këta shtetas përdornin, në fshatin Babicë, u gjetën dhe u sekuestruan 1 mjet ekskavator i dyshuar i vjedhur, 1 mjet kamion, brenda të cilit është gjetur 1 mjet lundrues gomone me gjatësi rreth 13 metra, me 3 motorë (marka “Yamaha”), me fuqi 415 KF, që dyshohet se mund të përdorej për ngjarje kriminale.

Vlera totale e mjeteve, të gjitha të destinuara për t’u tregtuar në vendet afrikane (Gambia dhe Egjipt) dhe në vendet e gadishullit ballkanik (Slloveni dhe Shqipëri), llogaritet mbi 1 milion euro.Në total gjatë këtij operacioni, në Itali dhe në Shqipëri, janë arrestuar 14 shtetas dhe për 3 shtetas të tjerë është ekzekutuar masa e sigurisë “Arrest në shtëpi”.

/Gazeta Express