Masakra në Shkodër, ndërron jetë personi katërt

Shqiperi

Gazeta Express

03/11/2024 9:31

Katër ditë pas atentatit në Dobraç të Shkodrës, ka humbur jetën edhe kalimtari Bashkim Basha duke e çuar në katër numrin e viktimave.

Nga atentati mbeti e vdekur edhe gruaja e tij Flutura Basha. Të dy po udhëtonin me motor në momentin kur u qëllua me breshëri kallashi në drejtim të makinës së Hamza Licit dhe Arlind Bushatit, të dy po ashtu të vdekur. Më pas mjeti i tyre u përplas me motorin e çiftit Basha.

Njoftimi i policisë

Në vijim të informacionit të dhënë më 30.10.2024, për ngjarjen e ndodhur në aksin rrugor “Shkodër-Koplik”, në Dobraç, ju informojmë se ka humbur jetën në Spitalin Rajonal Shkodër edhe shtetasi B.B., 67 vjeç, drejtuesi i motomjetit që u përplas nga automjeti i shtetasve H. L dhe A. B, të cilët humbën jetën si pasojë e plagëve nga të shtënat me armë zjarri nga persona ende të paidentifikuar.

Grupi i posaçëm hetimor në drejtimin e Prokurorisë së Shkodrës, po vijon intensivisht hetimet për zbardhjen dhe dokumentimin ligjor të ngjarjes, identifikimin dhe kapjen e autorëve.