“Martesa e ëndrrave”, dasma shndërrohet në “ndeshje Championsi”

Futboll

Gazeta Express

28/11/2025 18:30

Nëse keni kaluar pak kohë duke lëvizur në “TikTok” ose “Instagram” këtë javë, me siguri nuk ju ka shpëtuar një moment viral nga Adelaide.

Një grup i djemve nga Adelaide vodhën vëmendjen në dasmën e mikut të tyre, duke marrë frymëzim nga Liga e Kampionëve për të bërë një hyrje epike – dhe më shumë se 50 milionë njerëz ranë ‘dakord’ se ishte e paharrueshme.

View this post on Instagram

A post shared by Entertainment Adelaide (@entertainmentadelaide)

Çifti i sapomartuar, Zoe dhe Photi, e patën ditën e tyre të ëndrrave në “National Wine Centre” disa javë më parë, ku mirëpritën miqtë dhe familjarët më të afërt për festime.

Mikpritës i mbrëmjes ishte “MC” dhe “DJ” Peter Savvas nga “Entertainment Adelaide”, një kompani lokale argëtimi, i cili rastisi të filmonte dhe të ndante momentin viral.

“Isha unë që isha MC,” tha Peter. “I prezantova djemtë. Ishin shumë të emocionuar për këtë hyrje dhe ishin jashtë duke e praktikuar. Në fakt po vononin hyrjen e çiftit sepse po stërviteshin. Dhe unë u thashë, ‘Hajde, djem, futuni brenda. Nuk do të marrë aq shumë dhenë’”.

“Më në fund i futëm në pozicion, i vendosëm, dhe mendova: ‘Po e regjistroj shpejt.’ Normalisht, nuk i filmojmë dhëndurët, por po… kjo doli jashtë kontrollit.”

Dhe doli vërtet jashtë kontrollit. Djemtë hynë me himnin e Ligës së Kampionëve, duke imituar lëvizjet e disa lojtarëve, përfshirë edhe kërcimin legjendar të Cristiano Ronaldos.

Fatmirësisht, Peter ishte aty me kamerë, e filmoi performancën dhe e publikoi online.

“E postova në ‘TikTok’ dhe në mëngjes kishte rreth 70,000 shikime. Të dielën në mbrëmje kishte arritur në dy milionë. Tani ka rreth 30 milionë në ‘TikTok’ dhe 20 milionë në Instagram”, shtoi ai.

Videoja u përhap me shpejtësi, me ikona futbolli dhe marka të mëdha që komentuan në postim.

Është e qartë se gjithë kjo punë ia vlejti, duke krijuar një moment të paharrueshëm për Zoe dhe Photin, për të pranishmit dhe për fansat në mbarë botën./GazetaExpress/