Marrëveshja Shqipëri-SHBA për gazin, Hoti: Kosova e humbi mundësinë sepse Kurti s’i ka qëllim marrëdhëniet me Amerikën

Lajme

Gazeta Express

28/04/2026 17:53

Deputeti i Lidhjes Demokratike të Kosovës, Avdullah Hoti, ka reaguar lidhur nënshkrimin e marrëveshjes që u bë sot mes Shqipërisë dhe SHBA’ve në vlerë 6 miliardëshe, për gazin amerikan.

Hoti, në postimin e tij, ka thënë se Kosova ka humbur këtë mundësi, sepse, ‘’nuk ka për qëllim avancimin strategjik të marrëdhënieve të Kosovës me SHBA’’.

‘’Shqipëria nënshkruan marrëveshje prej 6 miliardë euro për gazin e lëngshëm amerikan, me të cilën do të ndërtohet impianti në Vlorë dhe lidhja me rrjetin rajonal.

Kosova e humbi këtë mundësi, sepse Kurti nuk ka për qëllim avancimin strategjik të marrëdhënieve të Kosovës me SHBA’’, ka shkruar ai.