RMV, i kërkuan ta zhvesh bluzën vetëm pse aty kishte shqiponjën e vizatuar

Maqedoni

Gazeta Express

30/08/2025 15:45

Policia e Maqedonisë së Veriut po verifikon rastin ku një 32 vjeçar është detyruar në qytetin e Manastirit të zhvesh bluzën vetëm pse ka pasur një shqiponje të vizatuar, transmeton Portalb.mk.

“Në SPB Manastir, S.H.D. (32) nga Suedia, aktualisht me qëndrim në Dibër, ka denoncuar se në rrugën “Shirok Sokak” në Manastir, disa persona të panjohur rreth 20 vjeç iu afruan për t’i zhveshur bluzën që kishte veshur, e cila kishte të vizatuar një kokë shqiponje në pjesën e përparme dhe të pasme”, sqaroi Policia.

Në bazë të raportimit, 32 vjeçari në momentin që e kishte vlerësuar se nuk mund të mbrohet nga sulmuesit, e kishte larguar bluzën.