Manifesta Nights: Hyjneshat

Arte

Gazeta Express

18/08/2022 14:57

Të premten me fillim nga ora 20:00, do të mbahet Manifesta Nights: Hyjneshat’, në kuadër të festivalit ‘Manifesta 14’. Ngjarja do të mbahet në Pallatin e Rinisë dhe Sporteve.

Do të mbahet eventi i parë i Manifesta Nights që feston jetën e natës së Prishtinës që njihet për shpirtin eksperimentues dhe mbështetjen ndaj shprehjes së lirë.

Manifesta Nights organizohet dhe mbahet në bashkëpunim me kolektivet e Prishtinës.

Nisim natën e parë, të premten e ardhshme në Pallatin e Rinisë dhe Sporteve me hyjneshat – një kolektiv queer nga Kosova që njihen për përpjekjet dhe punën e shkëlqyer që zhvillojnë në mbështetje të skenës LGBTQ+ në vend. Prisni muzikë live, performanca drag dhe Dj sete. Eventi është falas për të gjithë.

/Gazeta Express