Manaj vazhdon me gola në Turqi, shënon në fund për t’i dhënë fitore Sivassporit

Futboll

Gazeta Express

03/04/2024 18:57

Rey Manaj nuk ka të ndalur.

Sulmuesi 27-vjeçar ka gjetur sërish golin, këtë herë në minutën e 89’, duke i dhënë fitoren minimale 1-0 Sivassporit në sfidën përballë Katagumrukut.

Pas një krosimi nga krahu, Manaj u gjend në vendin e duhur dhe stopoi mirë topin, për ta dërguar në rrjetë dhe nisur festën e tifozerisë vendase.

Ky është goli i 16 i Rey Manajt në Superligën turke, me sulmuesin kuqezi që sheh para vetes vetëm Dzekon e Icardin, që kanë shënuar nga 18 gola.