Man Unitedi s’do të paguajë mbi 50 mln funte për Sanchon - Gazeta Express

Sport

Gazeta Express

30/06/2020 14:51

Man Unitedi s’do të paguajë mbi 50 mln funte për Sanchon

Sport

Gazeta Express

30/06/2020 14:51

Manchester Unitedi nuk do të paguajë mbi 50 milionë funte për Jadon Sanchon, përderisa Borussia Dortmund nuk pranon ta shesë talentin anglez për më pak se 100 milionë funte, sipas Sky Sports.

20-vjeçari është përfolur për një kthim në Premierligë gjatë afatit kalimtar të verës, mirëpo Borussia Dortmundi dhe Manchester Unitedi mbeten larg njëra-tjetrit në vlerësimin për futbollistit, transmeton Gazeta Express.

Gjiganti i Bundesligës i kërkon mbi 100 milionë funte për ta shitur këtë verë Sanchon, futbollist ky të cilin e kishin blerë nga Manchester City për vetëm tetë milionë funte në gusht të vitit 2017.

Manchester Unitedi mbetet klubi favorit për transferimin e Sanchos këtë verë, mirëpo zyrtarë të klubi i kanë thënë Sky Sports se Djajtë e Kuq nuk janë të gatshëm ta paguajnë çmimin e kërkuar nga Dortmundi, pasi që besojnë se çmimi i tij duhet të ulet si shkak i krizës së sjellë nga koronavirusi.

Gjiganti anglez nuk ka bërë ende asnjë ofertë zyrtare për Sanchon, i cili i ka shënuar 17 gola në Bundesligë dhe i ka bër 16 asiste gjatë sezonit 2019/20. /Gazeta Express/