Man City – Liverpool, derbi për prestigj

Gazeta Express

02/07/2020 15:00

Përballja e sontme në mes të kampionit të ri dhe ish-kampionit anglez nuk do të ketë peshë të madhe pasi “Reds” tashmë e kanë siguruar titullin e kampionit në Premierligë

Manchester City dhe Liverpooli do të përballen sonte në derbin e javës së 32-të të Premierligës, shkruan Gazeta Express.

Kjo ndeshje do të zhvillohet vetëm sa për prestigj pasi tashmë “Reds” e kanë siguruar titullin e kampionit në Angli, shtatë xhiro pa përfunduar sezoni.

Të Kuqtë e fituan titullin pas 30 vjetësh pritjeje pasi e bënë një sezon fantastik deri tash.

Nga ana tjetër, ish-kampioni anglez e ka përforcuar pozitën e dytë dhe nuk i rrezikohet ky vend.

Ndeshja në mes të Manchester Cityt dhe Liverpoolit do të zhvillohet sonte duke filluar nga ora 21:15. /Gazeta Express/