Man City fiton me vështirësi ndaj Bournemouthit, mban hapin me Liverpoolin në krye të tabelës

Sport

Gazeta Express

24/02/2024 20:30

Manchester City ka marrë një fitore të vështirë, por mjaft të rëndësishme në rrugën e tyre për mbrojtjen e titullit në Premierligë.

Në ndeshjen e vlefshme për javën e 26-të, skuadra e drejtuar nga Pep Guardiola triumfoi në udhëtim ndaj Bournemouthit, shkruan Gazeta Express.

Përballja në “Vitality Stadium” u mbyll me rezultatin 0:1.

Kjo ndeshje u vendos me golin e Phil Foden (24′), që në fund doli të jetë i mjaftueshëm për tri pikët e reja të “Qytetarëve”.

Manchester City pas kësaj fitore ka 59 pikë në pozitën e dytë, vetëm një më pak se lideri, Liverpooli.

Bournemouthi bie në pozitën e 14-të me 28 pikë të grumbulluara. /Gazeta Express/