Makina përplas për vdekje këmbësorin në Lezhë

Shqiperi

Gazeta Express

09/01/2025 18:53

Një aksident me vdekje ka ndodhur mbrëmjen e sotme në aksin Lezhë-Laç.

Drejtuesi i mjetit nuk e ka parë këmbësorin i cili po lëvizte në anë të rrugës në afërsi të Spitenit duke e marrë zvarrë për disa metra e duke i shkaktuar atij vdekjen e menjëhershme.

Njoftimi:

Rreth orës 17:30, në aksin rrugor “Lezhë-Milot” shtetasja F. Ll. duke drejtuar automjetin e saj ka aksidentuar shtetasin N. Gj., 75 vjeç (këmbësor) i cili si pasojë e plagëve të marra ka ndërruar jetë.

Drejtuesja e automjetit ndodhet e shoqëruar në ambientet e Policisë për veprime të mëtejshme procedurale.

Grupi hetimor ndodhet në vendin e ngjarjes dhe vazhdon veprimet hetimore për zbardhjen e shkaqeve të aksidentit.