Macron dhe Mbreti Charles III takohen në Windsor

Lajme

Gazeta Express

08/07/2025 14:24

Presidenti francez Emmanuel Macron ndodhet në Windsor, ku është takuar me Mbretin Charles III të Britanisë së Madhe, në kuadër të vizitës shtetërore tre-ditore në Mbretërinë e Bashkuar.

Reuters raporton se Macron, i cili po merr për herë të parë trajtim zyrtar të një vizite shtetërore britanike, gëzon një marrëdhënie të ngushtë personale me Mbretin Charles. Takimi është zhvilluar në një atmosferë të ngrohtë, me buzëqeshje mes çifteve presidencial dhe mbretëror – Emmanuel dhe Brigitte Macron, si dhe Charles dhe Mbretëresha Camilla – ndërsa për sigurinë e ambientit janë kujdesur rojet kalorës, të veshur me uniforma ceremoniale blu dhe pupla të kuqe.

Bëhet e ditur se më vonë gjatë ditës, pritet që Mbreti Charles të mbajë një fjalim në kështjellë, ku do të theksojë “shumësinë e kërcënimeve komplekse” me të cilat përballen të dy vendet.

I shoqëruar nga Princi i Kurorës, William, dhe bashkëshortja e tij, Princesha Catherine, grupi më pas ka hipur në disa karroca të tërhequra nga kuaj për të marrë pjesë në një procesion ceremonial që përfundoi në oborrin e brendshëm të Kalasë Ëindsor, në perëndim të Londrës.