Luiz nuk dëshiron të largohet nga Arsenali

Gazeta Express

01/06/2020 18:00

Qendërmbrojtësi brazilian sipas të gjitha gjasave do të luajë edhe një vit në “Emirates Stadium”

David Luiz nuk ka dëshirë të largohet nga Arsenali.

Për këtë siguron menaxheri i tij, Kia Joorabchian, shkruan Gazeta Express.

Sipas tij, ka mundësi të mëdha që qendërmbrojtësi brazilian të luajë edhe sezonin tjetër në “Emirates Stadium”.

Luiz i ka zhvilluar 32 ndeshje me “Gunners” në të gjitha kompeticionet këtë sezon.

“Topçinjtë” e kishin blerë atë për 10 milionë euro nga Chelsea vitin e kaluar.

33 vjeçari kishte nënshkruar kontratë njëvjeçare me klubin londinez.

Mirëpo, Arsenali e ka mundësinë e vazhdimit të kontratës me futbollistin për një vit tjetër. /Gazeta Express/