Luan Krasniqi parashikon fituesin e meçit Wilder – Fury - Gazeta Express

Luan Krasniqi parashikon fituesin e meçit Wilder – Fury

Sport

Gazeta Express

21/02/2020 15:40

Boksieri legjendar shqiptar Luan Krasniqi ka parashikuar se përballja e së shtunës mes Deontay Wilderit dhe Tyson Furyt do të jetë tejet interesante, por ka bërë të ditur se sipas tij Fury do ta fitojë këtë meç dhe do të bëhet kampioni i ri i WBC.

Dy boksierët e kategorisë së peshave të rënda do të takohen për herë të dytë më 22 shkurt, pas një barazimi kontrovers në takimin e tyre të parë, para 14 muajve, transmeton Gazeta Express.

Këtë herë të dy boksierët kanë bërë të ditur se synojnë ta mbyllin ndeshjen me nokaut, në mënyrë që të mos lënë hapësirë për diskutime apo interpretime nga ana e gjyqtarëve.

Boksieri legjendar shqiptar, Luan Krasniqi ka parashikuar se Fury do ta fitojë këtë meç për titullin e kampionit të wBC-së, pasi që e konsideron anglezin si boksier më të kompletuar.

“Deontay Wilder vs Tyson Fury, pjesa e dytë. Nuk mendoj se ka shumë beteja më interesante në kategorinë e peshave të rënda për momentin”, ka shkruar Krasniqi, në llogarinë e tij zyrtare në rrjetin social Facebook.

“Jam shumë i emocionuar dhe parashikoj se Fury do të fitojë. Për mua, ai është thjesht boksier më i kompletuar”. /Gazeta Express/