Lojtari i Kosova U21 rezulton pozitiv me Covid-19 pasi kthehet në Zvicër

Gazeta Express

16/10/2020 21:59

Alban Ajdini ka rezultuar pozitiv në testet e koronavirusit.

Një tjetër lojtar i kombëtares U21 të Kosovës ka rezultuar pozitiv me Covid-19.

Bëhet fjalë për lojtarin e Servette, Alban Ajdini, përcjell lajmi.net.

Faqja zyrtare e këtij klubi njofton se lojtari është në mesin e të infektuarve me virusin.

Lojtari ka shkuar në vet-izolim dhe nuk ka pasur kontakt me shokët e skuadrës së tij në Gjenevë.

Njoftimi i Servette bën të ditur se lojtari rezultoi pozitiv pas kthimit nga grumbullimi me Kosovën.