Linjë e re ajrore Tiranë–Kretë

Shqiperi

Gazeta Express

11/11/2025 17:24

Një linjë e re ajrore do të lidhë Tiranën me Heraklionin e Kretës. Lajmin e bëri të ditur ministrja e Energjisë dhe Infrastrukturës, Belinda Balluku, e cila tha se fluturimi i ri do të forcojë lidhjet mes Shqipërisë dhe Greqisë.

Linja pritet t’u shërbejë mijëra shqiptarëve që jetojnë dhe punojnë në Kretë, por edhe të sjellë më shumë turistë drejt Shqipërisë.

Me këtë shtesë, Aeroporti “Nënë Tereza” numëron 118 destinacione aktive, ndërsa për vitin 2025 parashikohet të arrijë një rekord prej 12 milionë pasagjerësh.