Limaj: Prej pardje ka pasë komunikime me letra, ka pasë zhvillime, për Qeverinë e tranzicionit flasim pas seancës…

Lajme

Gazeta Express

07/05/2025 10:18

Kryetari i Nismës, Fatmir Limaj nuk deshi të flasë para futjes në Kuvend lidhur me propozimin e LDK-së për krijimin e një qeverie tranzicionale deri në zgjedhjen e presidentit.

Ai tha se “ka lëvizje”, por edhe “letra” dhe “komunikime me letra” nga e hëna, duke mos bërë të ditur se për çfarë saktësisht bëhet fjalë.

“Pata dëshirë këtë pjesë (lidhur me propozimin e LDK-së për qeveri tranzicionale) me e lënë pasi ta kryejmë seancën, se edhe kështu pak u vonuam. Të shohim si po shkojnë edhe sot zhvillimet në seancë. Ka lëvizje, të shohim çfarë lëvizje.. Nuk do të thotë që çdoherë të gjitha lëvizjet shkojnë në drejtimin që duhet, por megjithatë ka një lëvizje, dhe nëse e kam edhe pëlqimin tuaj e lëmë pasi ta përfundojmë seancën dhe e jap një përgjigje”, tha Limaj.

“Ka propozime, siç e keni pa. Ka pasë letra prej pardje, ka pasë komunikime me letra. Do të thotë ka pasë zhvillime”, tha ai.

Limaj tha se Nisma “nuk i refuzon takimet”.