LG sot zyrtarisht ndalon prodhimin e telefonave mobil

AutoTech

Gazeta Express

02/06/2021 10:36

LG njoftoi në prill se po dilte nga biznesi i telefonisë celulare dhe duke pasur parasysh kohën që u desh për të mbyllur prodhimin, sot është dita e fundit për smartphone dhe tablet.

LG do të vazhdojë të mbështesë pajisjet ekzistuese dhe modelet premium kanë tre vjet mbështetje softuerësh. Disa modele, përfshirë telefonat e serive Q, do të marrin Android 12, ndërsa modelet më të fundit premium do të shkojnë një hap më tej me Android 13.

Fabrika e LG Electronics në Vietnam, ku prodhohen shumica e telefonave celularë të LG, do të shndërrohet në një fabrikë të pajisjeve shtëpiake. LG tashmë ka bërë kalimin në disa nga objektet e saj të prodhimit për të mbajtur punonjësit në fabrikat e smartphone-ve. Punëtorët e mbetur nga linjat e prodhimit celular do të marrin detyra të reja deri në fund të korrikut.

Fabrika e Haifon filloi punën në 2015 dhe prodhon televizione dhe pajisje shtëpiake përveç telefonave mobil. Kompanitë simotra LG Innotek dhe LG Display prodhojnë kamera dhe ekrane në të njëjtin vend.

Me këtë, LG është në rrugën e saj për t’u bërë prodhuesi më i madh i pajisjeve shtëpiake, dhe shitjet në tremujorin e dytë janë të mëdha dhe arrijnë në 6.3 miliardë dollarë.