Leku forcohet në tregun valutor, rënie për dollarin, euron dhe paundin

Shqiperi

Gazeta Express

19/08/2025 17:58

 Leku vijon të forcojë pozitat në tregun e këmbimit valutor vendas, duke shënuar rënie të lehtë për disa nga monedhat kryesore ndërkombëtare, krahasuar me një ditë më parë.

Sipas kursit zyrtar të Bankës së Shqipërisë: Euro këmbehet me 97,18 lekë, me një rënie prej 0,04 lekë. Dollari amerikan këmbehet me 83,23 lekë, 0,05 lekë më pak. Paundi britanik humbi terren, duke zbritur në 112,47 lekë, 0,31 lekë më pak.

Franga zvicerane ishte e vetmja që u forcua, duke u ngjitur në 103,28 lekë me një rritje prej 0,15 lekësh, krahasuar me fillimjavën.

Banka e Shqipërisë nënvizon se këto luhatje janë të zakonshme gjatë sezonit turistik dhe pasqyrojnë ndikimet nga kërkesa dhe oferta e brendshme, si dhe nga ecuria e valutave në tregjet ndërkombëtare.

“Kursi i këmbimit përcaktohet në mënyrë të lirë nga tregu, bazuar në lëvizjen e mallrave dhe kapitalit me partnerët tregtarë të Shqipërisë”, njofton BSH-ja.