Ylli i Los Angeles Lakers, LeBron James, ka bërë të ditur se ai nuk u beson lajmeve të fundit se NBA mund të detyrohet ta anulojë sezonin 2019/20 plotësisht shkaku i krizës së koronavirusit.
NBA u pezullua pa caktuar një datë kthimi në mars dhe në një postim në Twitter të enjten, LeBron James i hodhi poshtë lajmet e CNBC-së për një anulim të ligës, transmeton Gazeta Express.
Në atë lajm thuhej se disa agjentë anonim dhe disa ekzekutivë të ekipeve janë të shqetësuar për kthimin e mundshëm të NBA, veçanërisht pa tifozë në arena, duke sugjeruar se sezoni do të anulohej.
“I pashë disa lajme se ekzekutivët dhe agjentët duan ta anulojnë sezonin??? Kjo absolutisht s’është e vërtetë. Askush që unë e njoh nuk ka thënë diçka të tillë. Sapo të bëhet më e sigurt, ne do të donim ta përfundonim sezonin”, ka thënë James.
Saw some reports about execs and agents wanting to cancel season??? That’s absolutely not true. Nobody I know saying anything like that. As soon as it’s safe we would like to finish our season. I’m ready and our team is ready. Nobody should be canceling anything. ?
— LeBron James (@KingJames) April 30, 2020
“Unë jam gati dhe skuadra jonë është gati. Askush nuk duhet të anulojë asgjë”. /Gazeta Express/