Leao ushtron për herë të parë me ekipin, i gatshëm për duelin me Napolin

Futboll

Gazeta Express

25/09/2025 15:11

Debutimi sezonal në Serie A për Rafael Leao duket se po afrohet.

Sulmuesi portugez i Milanit në fakt ka përfunduar jashtë fushave të blerta që nga 17 gushti, para ndeshjes së parë zyrtare të trajnerit Massimiliano Allegri në bankinën “Rossonero” (në realitet ishte në tribunë sepse ishte i diskualifikuar), kur ishte titullar dhe ishte lënduar gjatë pjesës së parë, në minutën e 32-të në Coppa Italia, të fituar kundër Barit.

Nga ajo kohë, stafi mjekësor milanist gjithnjë e ka shtyrë kohën e shërimit dhe të rikthimit të tij, por sot kjo ditë është afruar si asnjeherë më parë, shkruan “Gazeta Express”.

Për ndeshjen e fundjavës ndaj Napolit, në fakt, ish-futbollisti i Lillet do të jetë në dispozicion.

Leao e kishte tërhequr muskulin në këmbën e djathtë, ndërsa tash duket se kjo i përket së kaluarës.

Përfaqësuesi portugez ka ushtruar sot me ekipin, që nënkupton se rikthimi i tij është afër, pas më shumë se një muaji jashtë fushës.

Sulmuesi i krahut pritet të jetë në dispozicion të trajnerit Allegri këtë të diel, në ndeshjen që do të nisë prej orës 20:45. /Gazeta Express