“Le ti shqyejnë ato diploma”, Misini: Po ikin qytetarët, vetëm në vitin 2024 kërkesa për azil është rrit 108%

Lajme

Gazeta Express

19/08/2025 21:41

Profesori i Ekonomisë, Shkumbin Misini, tha se për shkak të importit të lartë e për shkak të varfërisë që e kemi, vendi ka nevojë për kompani prodhuese. Ai ngriti alarmin se edhe qytetarët me bagazh profesional janë duke dashtë me u largu nga vendi për shkak të mosperspektivës. Profesori tha se politikat aktuale po  varfërojnë qytetarët.

Ai tha se “politikat qeveritare vetëm po e varfërojnë qytetarin dhe po e shtyjnë qytetarin me u largu nga vendi”.

“Vetëm në vitin 2024 nga Komisioni Europian ka dalë raporti, kërkesa për azil në BE është rritë për 108%. Po i shtyjnë qytetarët me u largu nga vendi”, tha Misini në Pressing, transmeton Express.

“Kemi rritje të importit nga viti 2020-2024 për 94%, nuk mundem me kuptu ose po dal publikisht po ju them që ato diploma të ekonomistëve që janë nëpër qeveri e këshilltarë le ti shqyejnë se nuk e kanë as bazën elementare të Ekonomisë”, tha Misini në Pressing, trasnsmeton Express.