Le Pen në rrezik për garën presidenciale në Francë pas vendimit të gjykatës

Lajme

Gazeta Express

07/07/2026 14:41

Një gjykatë apeli në Paris ka lënë në fuqi dënimin ndaj lideres të së djathtës ekstreme franceze, Marine Le Pen, për keqpërdorim të fondeve të Parlamentit Evropian. Vendimi rrezikon përpjekjen e saj për të kandiduar në zgjedhjet presidenciale të vitit 2027.

Gjykata i ka shqiptuar Le Pen një ndalim 15-mujor nga ushtrimi i funksioneve publike, përfshirë edhe një vit me mbikëqyrje elektronike.

Në gjykimin e parë, Le Pen dhe 24 ish-eurodeputetë, asistentë e kontabilistë, si dhe partia e saj Rassemblement National (Tubimi Kombëtar), u shpallën fajtorë për një skemë të dyshuar të përdorimit të fondeve të Parlamentit Evropian për të paguar staf të partisë në Francë gjatë viteve 2004-2016.

Le Pen e ka mohuar akuzën, duke thënë se partia e saj ka vepruar në “mirëbesim” dhe e ka cilësuar çështjen si një “gjueti shtrigash”. Prokuroria, ndërkohë, ka pretenduar se ajo e kishte kthyer në sistem praktikën e keqpërdorimit të fondeve pasi mori drejtimin e partisë në vitin 2011, shkruan Euronews.