LDK Suharekë: Blerim Kuçi nga sot i bashkohet Lidhjes Demokratike të Kosovës

Lajme

Gazeta Express

16/05/2025 18:39

Blerim Kuçi i është bashkuar Lidhjes Demokratike të Kosovës.

Kjo është bërë e ditur nga LDK dega në Suharekë, ku është shtuar se Kuçi përveç angazhimeve të shumta në politikë ka dhënë kontribut edhe në Ushtrinë Çlirimtare të Kosovës.

Postimi:

Blerim Kuçi nga sot i bashkohet Lidhjes Demokratike të Kosovës

Sot, në selinë e LDK-së në Suharekë, bashkë me kryetarin Lumir Abdixhiku, pritëm ish kryetarin e komunës dhe ish sekretarin organizativ të LDK-së z. Blerim Kuçi.

Blerim Kuçi përveç angazhimeve të shumta në politikë ai ka dhënë një kontribut të veçantë edhe në Ushtrinë Çlirimtare të Kosovës por edhe ka mbështetur arsimin e studentët duke shpërnda bursa për ta. Nga sot ai rikthehet në shtëpinë tonë politike duke iu bashkuar vizionit të LDK-së për një Kosovë zhvillimore, demokratike dhe evropiane.

Me këtë rast, kryetari i LDK-së Lumir Abdixhiku dhe kryetari i degës Ardian Shala falenderuan ish kryetarin e Suharekës Blerim Kuçi për gatishmërinë e tij për të kontribuar për Lidhjen Demokratike të Kosovës me synime të qarta për rikthimin e LDK-së në Suharekë dhe krejt Kosovën.