Lajçak vazhdon takimet me shtete që s’e njohin Kosovën

Gazeta Express

24/01/2023 22:41

I dërguari i Bashkimit Evropian për dialogun Kosovë-Serbi, Miroslav Lajçak, ka zhvilluar sot një takim me të dërguarën e Greqisë për Ballkanin Perëndimor, Sofia Grammata.

Në njoftimin e tij të shkurtër, Lajçak ka bërë të ditur se me Grammatan ka diskutuar rreth përpjekjeve të Bashkimit Evropian për normalizimin e marrëdhënieve ndërmjet Kosovës dhe Serbisë, raporton Gazeta Express.

“Me të dërguarën e Greqisë për Ballkanin Perëndimor, sot diskutova për përpjekjet e BE-së mbi avancimin e normalizimit të marrëdhënieve ndërmjet Kosovës dhe Serbisë si dhe rolin e rëndësishëm të Greqisë në regjion”, ka shkruar Lajçak.

Përveç Greqisë si vend që nuk e ka njohur pavarësinë e Kosovës, Lajçak gjatë ditës së djeshme ka takuar edhe përfaqësues të Spanjës, Sllovakisë dhe Bosnjë Hercegovins. /GazetaExpress