Lajçak: Mandati im si ndërmjetës deri më 31 gusht - me lidershipin e ri të BE'së nis një fazë e re e procesit - Gazeta Express
string(105) "lajcak-mandati-im-si-ndermjetes-deri-me-31-gusht-me-lidershipin-e-ri-te-bese-nis-nje-faze-e-re-e-procesit"

Lajçak: Mandati im si ndërmjetës deri më 31 gusht – me lidershipin e ri të BE’së nis një fazë e re e procesit

Lajme

Gazeta Express

19/04/2024 22:30

Miroslav Lajçak së shpejti do ta lë postin e emisarit special të BE’së për Ballkanin Perëndimor dhe ndërmjetësit të dialogut Kosovë -Serbi. Tashmë është bërë e ditur se BE e ka nominuar për Ambasador në Zvicër ndërsa vet Lajçak zbulon se mandati i tij skadon më 31 gusht.

“Ka qenë gjithmonë e qartë sepse mandati i përfaqësuesve specialë të BE-së është i barabartë me mandatin e ambasadorëve të BE-së, i cili zgjat katër vjet. Pra, ekziston një rregull që përfaqësuesit specialë nuk mund të qëndrojnë më shumë se katër vjet. Unë sapo kam filluar vitin e pestë dhe mandati im përfundon më 31 gusht” ka thënë sllovaku.

Lexo Edhe:

“Nuk ka pasur kurrë një debat, nuk kam planifikuar asnjëherë të largohem apo të mbetem më gjatë. Është e logjikshme që me lidershipin e ri të Bashkimit Evropian, është gjithashtu mirë që të fillojë një fazë e re e procesit. Pra, deri më 31 gusht, jam plotësisht përgjegjës dhe plotësisht i përkushtuar ndaj këtij procesi”, ka shtuar tutje emisari.

Duke folur rreth emisarit/ ndërmjetësit të ri që pritet të marrë pozitën ish- kryediplomati sllovak thotë se nuk i takon atij të flas. Lajçak thotë se e njeh mirë ish- presidentin slloven Borut Pahor që ka shfaqur ambicie për ta marrë detyrën.

“Unë nuk do të jem pjesë e përzgjedhjes së pasardhësit tim, ndaj nuk duhet të bëj deklaratë. Por, padyshim, unë e njoh Presidentin Pahor për shumë vite. Ne jemi takuar dhe kemi diskutuar për situatën në Ballkanin Perëndimor në disa raste, e di që ai është shumë i interesuar për rajonin dhe gjithashtu me shumë njohuri. Pra, sigurisht, ky është një faktor shumë i rëndësishëm. Kjo është ndoshta aq sa mund të them në këtë pikë”.